मुख्यमन्त्री यादवले पाए विश्वासको मत।जनमुखी कामलाई प्राथमिकता दिने मन्त्री यादवको प्रतिबद्दता

मधेस प्रदेशका मुख्यमन्त्री कृष्णप्रसाद यादवले प्रदेश सभाबाट शुक्रबार विश्वासको मत प्राप्त गरेपछि सरकार स्थायी हुने र जनतालाई केन्द्रमा राखेर काम गर्ने बताउनु भएको छ । 
उहाँले सीमित स्रोतसाधनका बाबजुद शिक्षा, स्वास्थ्य र कृषि क्षेत्रलाई प्राथमिकतामा राखेर काम गरिने बताउनुभयो ।मुख्यमन्त्री यादवका अनुसार आगामी ४–५ दिनभित्र मन्त्रिपरिषद्लाई पूर्णता दिइनेछ। सरकारको पहिलो प्राथमिकता सुशासन कायम, बेथिति अन्त्य र विकास निर्माणका कार्यलाई तीव्रता दिनु रहेको समेत मुख्यमन्त्री यादवले बताउनुभयो। साथै जनताले प्रत्यक्ष अनुभूति गर्न सक्ने कार्यक्रम ल्याइने समेत उहाले बताउनुब्जयो । उहाले सबैको भावना र सुझावको कदर गर्दै अगाडि बढ्ने समेत स्पष्ट पार्नुभयो ।
मधेस प्रदेशका जनताले चाहेको स्थिर सरकार अब सम्भव भएको भन्दै मुख्यमन्त्री यादवले जनताको भरोसालाई कामबाटै प्रमाणित गर्ने प्रतिबद्धता समेत गर्नुभयो।