बालेन सरकारमा ५ महिला मन्त्रीहरू

प्रधानमन्त्री बालेन शाहले आफ्नो नेतृत्वको पहिलो मन्त्रिपरिषद्‍मा समावेशिता र विज्ञतालाई प्राथमिकता दिँदै ५ जना महिला मन्त्रीहरू नियुक्त गरेका छन्। नवनियुक्त मन्त्रीहरूले आजै राष्ट्रपति भवन शीतल निवासमा पद तथा गोपनीयताको शपथ लिएका छन्।

प्रधानमन्त्री शाहले निशा मेहतालाई स्वास्थ्य तथा जनसंख्या र खानेपानी मन्त्रालयको दोहोरो जिम्मेवारी सुम्पिएका छन्। त्यसैगरी, प्रतिभा रावललाई भूमि व्यवस्था, सहकारी तथा गरिबी निवारण र संघीय मामिला तथा सामान्य प्रशासन मन्त्रालयको कार्यभार दिइएको छ। 'रास्वपा' कि प्रभावशाली नेतृ सोविता गौतम कानुन, न्याय तथा संसदीय मामिला मन्त्री बनेकी छन्।

कृषि तथा पशुपक्षी विकास र वन तथा वातावरण मन्त्रालयको कमान गीता चौधरीले सम्हालेकी छन् भने सीता वादीले महिला, बालबालिका तथा ज्येष्ठ नागरिक मन्त्रीको रूपमा कार्यभार सम्हालेकी छन्।