रसुवा बाढी: हेलिकप्टरमार्फत १२ जनाको उद्धार, उद्धार कार्यका लागि १२ वटा हेलिकप्टर परिचालन

 १० भदौ २०८३, बुधबार। रसुवामा बुधबार बिहान आएको अचानकको बाढीबाट प्रभावित विभिन्न क्षेत्रबाट नेपाली सेनाले १२ जनाको सकुशल उद्धार गरेको छ।  नेपाली सेनाका अनुसार बुधबार बिहान ९ बजे गएको बाढीमा फसेका नागरिकहरूको उद्धारका लागि हवाई गस्ती तथा उद्वार तीव्र पारिएको छ। सेनाको हेलिकप्टरमार्फत स्याफ्रुबेँशीबाट ६ जना, मैलुङबाट २ जना र धुन्चेबाट ४ जनाको उद्धार गरिएको हो।  बाढी प्रभावित क्षेत्रमा आपतकालीन उद्धार कार्यलाई व्यापक बनाउन हाल नेपाली सेनाका ४ वटा र निजी कम्पनीका ८ वटा गरी कुल १२ वटा हेलिकप्टरहरू परिचालन गरिएको छ।त्यसैगरी, उद्धार गरिएका र प्रभावितहरूको लक्षित गरी त्रिशूलीस्थित नेपाली सेनाको नं। १ सैन्य तालिम केन्द्रमा विशेष मेडिकल टिम खटाई आकस्मिक स्वास्थ्य उपचार सेवा प्रदान भइरहेको सेनाले जनाएको छ। घटनाको विस्तृत विवरण र क्षतिको यकिन विवरण आउन बाँकी छ।